ડૉ. સર્વપલ્લી રાધાકૃષ્ણન જન્મદિનને આપણે સૌ " શિક્ષક દિન " તરીકે ઉજવણી કરીએ છીએ. સામાન્ય રીતે શાળાઓમાં બાળકો એક દિવસ માટે શિક્ષક બનીને શાળાના બાળકોને શિક્ષણ કાર્ય કરાવે છે અને આ રીતે " શિક્ષક દિન " ની ઉજવણી કરે છે.
શ્રી મોટીભેદી પ્રાથમિક શાળામાં પણ આ રીતે જ શિક્ષક દિનની ઉજવણી કરવામાં આવી હતી, જેમાં ધો:૭ - ૮ ના બાળકો તેમજ બાલિકાઓએ ભાગ લીધો હતો.શિક્ષક દિન નિમિતે બાળકોએ જ આખો દિવસ શિક્ષણકાર્ય કરાવ્યું હતું, અને બાળકોને ભણવામાં પણ ખુબ જ મજા આવી ગઈ હતી.
અહી પ્રથમ ફોટોગ્રાફમાં બાળ શિક્ષક સુરુભા ભારૂભા ધો:૫ માં " બીલોરીકાચ " (વિજ્ઞાન) વિષે પાઠ સમજાવી રહ્યો છે.
બીજા ફોટોગ્રાફમાં ધો:૫ ના બાળકો સાથે બાળ શિક્ષિકા રક્ષાબા હેમુભા જોઈ શકાય છે.
ત્રીજા ફોટોગ્રાફમાં ધો:૨ ના બાળકોને અભિનયગીત કરાવી રહેલ હેમંતબા રામસંગજી...
અંતિમ ફોટોગ્રાફમાં ચર્ચા વિચારણા કરી રહેલા બાળ શિક્ષકો...બીજી ખુશીની વાત તો એ છે કે શિક્ષક દિન નીમીતે જ શાળામાં ૨ નવ-નિયુક્ત શિક્ષકો શ્રી પ્રકાશભાઈ સોલંકી અને શ્રીમતી જયશ્રીબેન પટેલ ની નિમણુક અમરી શાળામાં કરવામાં આવી. . .
આમ આજથી અમારા શાળા પરિવાર ના સભ્યોમાં પણ ૨ જણ નો વધારો થયો છે.
